Дортмунднинг «Боруссия» клуби марказий ҳимоячи Эмре Жан билан янги меҳнат шартномасини имзолади. Келишув шартларига кўра, «асаларилар» сардори жамоада 2027 йилнинг ёзига қадар қоладиган бўлди. Тегишли маълумот клубнинг расмий сайтида эълон қилинди.
Март ойининг бошида германиялик футболчи оғир жароҳат — тиззасидаги хочсимон боғламларининг узилишини орттириб олган эди. Энди Жанни узоқ давом этадиган тикланиш жараёни кутмоқда. Эслатиб ўтамиз, унинг «Боруссия» билан аввалги шартномаси уч ойдан кейин ўз ниҳоясига етиши керак эди.
Эмре Жан 2019 йилдан бери Дортмунд клуби шарафини ҳимоя қилиб келмоқда. 32 ёшли хавбек немис жамоаси таркибида 220 та ўйинда иштирок этиб, 23 та гол ва 12 та голли узатмани ўз ҳисобига ёздириб қўйган.
