Дортмунднинг «Боруссия» клуби спорт директори лавозимида фаолият юритаётган Ларс Риккен марказий ҳимоячи Эмре Жан билан шартнома узайтирилганига изоҳ берди.

Аввалроқ германиялик хавбек 2027 йилнинг июнь ойигача мўлжалланган янги меҳнат шартномасини имзолагани ҳақида хабар берилган эди.

Ҳозирда «Боруссия» сардори чап тиззасидаги хочсимон боғламлари узилишидан кейин даволаниш курсини ўтамоқда.

«У — етакчи, ўрнак бўла оладиган шахс ва доимо жамоани биринчи ўринга қўяди. Унинг оғир жароҳатидан сўнг дарҳол қўллаб-қувватлашда давом этишимизни ваъда қилганимиз бежиз эмас, чунки у биз учун калит футболчи ҳисобланади», — дея Риккеннинг сўзларини келтирмоқда «асаларилар» матбуот хизмати.

Жорий мавсумда 32 ёшли Жан 16 та учрашувда иштирок этиб, ўз ҳисобига учта гол ёздириб қўйишга муваффақ бўлди.