Мюнхеннинг «Бавария» клуби фахрий президенти Ули Хёнесс марказий ҳужумчи Харри Кейннинг немис клубидаги ўйинидан тўлиқ мамнун эканлигини билдирди.
«Кўпчилик: «100 миллион евроми? Улар ақлдан озибди», деб ўйлаганди. Мен ҳам шундай деб ҳисоблагандим. Аммо бугун уни 150 миллион еврога ҳам сотиб олган бўлардим», — дея Хёнесснинг сўзларини машҳур журналист Фабрицио Романо келтирмоқда.
Англиялик футболчи «Бавария» сафига 2023 йилда келиб қўшилган эди. Немис жамоаси либосида 32 ёшли ҳужумчи 135 та учрашувда майдонга тушиб, ўз ҳисобига 132 та гол ва 31 та голли узатмани ёздириб қўйишга муваффақ бўлди.
