«Реал Сосьедад» дарвозабони Алекс Ремиро «Барселона»га ўтиш ғоясини маъқулламоқда. «Кўк-анорранглилар»нинг 30 ёшли футболчига бўлган қизиқиши ҳақида яқинда хабар берилган эди. Mundo Deportivo нашрининг маълумотларига кўра, испаниялик посбон фаолиятини давом эттиришнинг бундай вариантига, ҳатто унга захира дарвозабони роли таклиф қилинган тақдирда ҳам, мутлақо қарши эмас. Бўлажак трансфер суммаси 15 млн еврога баҳоланмоқда.
Алекс Ремиро 2019 йилдан бери «Реал Сосьедад» шарафини ҳимоя қилиб келмоқда. Европа чемпиони ўзининг ҳозирги жамоаси таркибида барча мусобақаларда жами 301 та ўйин ўтказиб, ўз дарвозасидан 322 та тўп олиб чиққан ва 114 бор рақибларига гол уриш имконини бермаган (қўриқланаётган дарвоза дахлсизлигини сақлаб қолган). Футболчининг клуби билан амалдаги шартномаси 2027 йилга қадар тузилган.
