«Real Sosyedad» darvozaboni Aleks Remiro «Barselona»ga o‘tish g‘oyasini ma’qullamoqda. «Ko‘k-anorranglilar»ning 30 yoshli futbolchiga bo‘lgan qiziqishi haqida yaqinda xabar berilgan edi. Mundo Deportivo nashrining ma’lumotlariga ko‘ra, ispaniyalik posbon faoliyatini davom ettirishning bunday variantiga, hatto unga zaxira darvozaboni roli taklif qilingan taqdirda ham, mutlaqo qarshi emas. Bo‘lajak transfer summasi 15 mln yevroga baholanmoqda.

Aleks Remiro 2019 yildan beri «Real Sosyedad» sharafini himoya qilib kelmoqda. Yevropa chempioni o‘zining hozirgi jamoasi tarkibida barcha musobaqalarda jami 301 ta o‘yin o‘tkazib, o‘z darvozasidan 322 ta to‘p olib chiqqan va 114 bor raqiblariga gol urish imkonini bermagan (qo‘riqlanayotgan darvoza daxlsizligini saqlab qolgan). Futbolchining klubi bilan amaldagi shartnomasi 2027 yilga qadar tuzilgan.