«Арсенал» дарвозабони Давид Райя ота бўлди. Бу ҳақда испаниялик футболчи ижтимоий тармоқларда маълум қилди.
Посбон янги туғилган чақалоқ акс этган бир қатор суратларни жойлаштирди. Райя ўғил фарзандли бўлди ва унга Рио деб исм қўйишди.
Райянинг «Арсенал» билан шартномаси 2028 йилнинг июнигача мўлжалланган. Transfermarkt портали дарвозабонни 35 млн еврога баҳоламоқда. Жорий мавсумда испаниялик футболчи ҳисобида АПЛда 31 та ўйин ва 22 та ўтказиб юборилган гол мавжуд. Райя 15 та учрашувни «ноль»га ўтказган.
Бугун «Арсенал» Англия Лига Кубоги финалида «Манчестер Сити» билан тўқнаш келади. Ушбу баҳсда Райя захира ўриндиғида қолиши мумкин.
