«Arsenal» darvozaboni David Rayya ota bo‘ldi. Bu haqda ispaniyalik futbolchi ijtimoiy tarmoqlarda ma’lum qildi.
Posbon yangi tug‘ilgan chaqaloq aks etgan bir qator suratlarni joylashtirdi. Rayya o‘g‘il farzandli bo‘ldi va unga Rio deb ism qo‘yishdi.
Rayyaning «Arsenal» bilan shartnomasi 2028 yilning iyunigacha mo‘ljallangan. Transfermarkt portali darvozabonni 35 mln yevroga baholamoqda. Joriy mavsumda ispaniyalik futbolchi hisobida APLda 31 ta o‘yin va 22 ta o‘tkazib yuborilgan gol mavjud. Rayya 15 ta uchrashuvni «nol»ga o‘tkazgan.
Bugun «Arsenal» Angliya Liga Kubogi finalida «Manchester Siti» bilan to‘qnash keladi. Ushbu bahsda Rayya zaxira o‘rindig‘ida qolishi mumkin.













