«Барселона» Испания чемпионати доирасидаги «Райо Вальекано»га қарши уй учрашувига тайёргарлик кўрмоқда. The Touchline нашрининг El Desmarqueга таяниб хабар беришича, «кўк-анорранглилар» машғулотида қизиқарли воқеа юз берган. Вингер Ламин Ямал Ханс-Дитер Фликка юзланиб, уни Роберт Левандовскига қарашга чорлаган. Шу билан бирга, Ямал польшалик ҳужумчини «бобо» деб атаган.
«Мураббий, мураббий! Бобо! Бобо!» — деган Ямал Фликка Левандовскини кўрсатиб.
Ҳозирда Ламин Ямал 18 ёшда, Роберт Левандовски эса 37 ёшда. Левандовски Польша терма жамоасида дебют қилганида, Ямал бор-йўғи 1 ёшу 2 ойлик бўлган.
