«Барселона» бош мураббийи Ханс-Дитер Флик жамоа ярим ҳимоячилари Дани Ольмо ва Фермин Лопес ўртасидаги фарқ ҳақидаги саволга жавоб берди.
«Дани Ольмо ва Фермин ўртасидаги фарқ шундаки, Дани тўпни яхшироқ назорат қилади ва жарима майдончаси атрофида хавфли қуролга айлана олади. Ҳозирда Фермин ҳам анча динамик ва мақсад сари интилувчан бўлиб қолди — биз буни «Ньюкасл»га қарши баҳсда ҳам, бугунги ўйинда ҳам кўрдик. Мен ҳар икки футболчининг ҳаракатларидан жуда мамнунман», — дея Фликнинг сўзларини келтиради Barça Universal.
Эслатиб ўтамиз, Испания чемпионатининг 29-турида «Барселона» «Райо Вальекано» устидан 1:0 ҳисобида ғалаба қозонди. Ягона гол муаллифи ҳимоячи Рональд Араухо бўлди.
