Германиянинг «Кёльн» футбол клуби жамоа бош мураббийи Лукас Кваснёк истеъфога чиқарилганини эълон қилди. Мутахассис билан бирга унинг ёрдамчиси Франк Каспари ҳам «эчкилар» қароргоҳини тарк этди.

Жамоа Германия чемпионатининг жорий мавсумида қониқарсиз натижалар қайд этмоқда. «Кёльн» кетма-кет еттита ўйиндан бери ғалаба қозона олмаяпти.

Бундеслиганинг 27 туридан сўнг, «эчкилар» 26 очко жамғариб, турнир жадвалида 15-ўринни эгаллаб турибди. Германия чемпионатидаги навбатдаги учрашувни «Кёльн» 5 апрель куни сафарда Франкфуртнинг «Айнтрахт» жамоасига қарши ўтказади.