Мадриднинг «Реал» клуби ярим ҳимоячиси Федерико Вальверде «Атлетико»га қарши баҳсда тўғридан-тўғри қизил карточка олди.
Уругвайлик футболчи якшанба кунги дербининг 77-дақиқасида Алекс Баэнага нисбатан қўполлик ишлатгани учун майдондан четлатилди. Cope нашри тарқатган маълумотларга кўра, 27 ёшли футболчи Ла Лиганинг иккита ўйинига дисквалификация қилинади. Ярим ҳимоячи жамоасига 4 ва 10 апрель кунлари мос равишда «Мальорка» ҳамда «Жирона»га қарши кечадиган баҳсларда ёрдам бера олмайди. Ушбу ўйинлар оралиғида (7 апрель куни) «қаймоқранглилар» Чемпионлар Лигаси доирасида «Бавария»га қарши майдонга тушишади.
«Реал» «Атлетико»ни 3:2 ҳисобида мағлуб этди. Федерико Вальверде 55-дақиқада «матрасчилар» дарвозасини ишғол қилган эди.
