«Реал» Мадрид «Атлетико»га қарши дербини бир киши кам бўлиб якунлади. Учрашувнинг 77-дақиқасида «қаймоқранглилар» ярим ҳимоячиси Федерико Вальверде тўғридан-тўғри қизил карточка олди. У Алекс Баэнанинг оёқларига қўпол равишда зарба берган эди.

Вальверде майдонни дарҳол тарк этмади — у ҳакамга қизил карточкага лойиқ эмаслигини исботлашга ҳаракат қилди. Худди шу ишни «Реал» мураббийи Альваро Арбелоа ҳам амалга оширишга уринди. Ҳакам Хосе Мунуэра ҳатто Арбелоанинг ёнига келиб, ўз қарорини тушунтирди. Уларнинг сўзларини англаш қийин бўлмади — камера яқин эди ва ҳеч ким оғзини тўсиб олмаганди.

Арбелоа: «Кейинроқ кўриб чиқасиз — у ерда қизил карточка йўқ эди».

Ҳакам Мунуэра: «Альваро, у тўп кетидан югургани йўқ, у фақат футболчининг кетидан югурди».