Миланнинг «Интер» клуби форварди Маркус Тюрам ёзги трансфер ойнасида жамоани тарк этиши мумкин. Бу ҳақда FC Inter News нашри маълумот бермоқда.
Саудия Арабистони клублари томонидан қизиқишлар бўлаётганига қарамай, манбанинг хабар беришича, 28 ёшли француз Англия Премьер-лигасини афзал кўрмоқда. Таъкидланишича, «Астон Вилла» ва «Ньюкасл» клублари аллақачон Тюрам билан боғланишган.
Жорий мавсумда ҳужумчи барча мусобақаларда 36 та ўйинда майдонга тушиб, 12 та гол урди ва 5 та голли узатмани ўз ҳисобига ёздириб қўйди.
Transfermarkt портали маълумотларига кўра, Тюрамнинг трансфер қиймати 60 миллион еврони ташкил қилади.













