Франция футбол федерацияси президенти Филипп Диалло терма жамоанинг янги бош мураббийи номи аниқ бўлганини маълум қилди.
Аввалроқ FFF Зинедин Зидан билан оғзаки келишувга эришгани ҳақида хабарлар тарқалган эди. Дидье Дешам ЖЧ-2026 турниридан сўнг ўз лавозимини тарк этади.
«Ҳа, мен унинг исмини биламан. Келинг, Жаҳон чемпионатидан кейин яна кўришамиз.
Биз бештага яқин номзоддан ариза олдик ва уларнинг барчаси Франция фуқаролари. Бизга кўплаб талабларга жавоб берадиган ва француз халқининг қўллаб-қувватлашига сазовор бўла оладиган мутахассис керак. Чунки Франция терма жамоаси — бу француз халқининг жамоасидир. Мураббий ва халқ ўртасида боғлиқлик бўлиши шарт. Дидье Дешам ўз лавозимидаги ўн тўрт йил давомида бунга эриша олди. Унинг вориси ҳам ушбу талабга тўлиқ мос келиши лозим», — деди Диалло Le Figaro нашрига берган интервьюсида.
