«Тоттенхэм» Премьер-лига доирасидаги «Ноттингем Форест»га қарши ўз майдонида кечган баҳсда шармандали 0:3 ҳисобида мағлуб бўлди. Ўйиндан сўнг «шпорлар» устози Игор Тудор оилавий шароити туфайли матбуот анжуманига чиқмади.

Мухлислар Тудор қайд этилган натижадан қочиб, журналистлар олдига чиқмади деб гумон қилишган эди, бироқ ундай эмас. Хорватиялик мутахассиснинг оиласида оғир жудолик юз берди — ўйиндан сўнг «Тоттенхэм» мураббийи отаси вафот этганидан хабар топди. Бу ҳақда Daily Mail нашри хабар бермоқда.

«Тоттенхэм» навбатдаги ўйинини 12 апрель куни «Сандерленд»га қарши ўтказади. Бундай узоқ танаффуснинг сабаби шундаки, халқаро ўйинлардан сўнг Англияда мамлакат Кубогининг 1/4 финал баҳслари бўлиб ўтади. «Шпорлар» эса ушбу турнирни аллақачон тарк этишган.