«Манчестер Юнайтед» ёзги трансфер режалари устида ишламоқда. Журналист Кристиан Фальк ўз сайтида «қизил иблислар»нинг «Бавария» чап қанот ҳимоячиси Альфонсо Дэвисга бўлган қизиқиши ҳақида мақола эълон қилди.

«Бу ҳақиқат: «Манчестер Юнайтед» Дэвисга қизиқиш билдирмоқда. Улар Дэвиснинг «Бавария» билан янги шартнома бўйича музокараларини диққат билан кузатиб боришди. У шартномани узайтирди, бироқ "МЮ" ҳануз уни кузатишда давом этмоқда. Агар таклиф тушса, музокаралар бўлиб ўтарди. Аммо ҳозирча аниқ таклиф йўқ», — деди Фальк.

Шу билан бирга, журналист «Бавария» 25 ёшли Дэвиснинг тез-тез жароҳат олиши сабабли унинг трансферини кўриб чиқишга тайёрлигини таъкидлади. Канадалик футболчи 45 миллион еврога баҳоланмоқда.