УЕФА Чемпионлар лигаси 1/8 финали доирасидаги «Ливерпуль»га қарши сафар ўйинида жароҳат олиб, майдонни тарк этган «Галатасарой» ҳужумчиси Виктор Осимхен бугун, 23 март куни муваффақиятли операция қилинди. Бу ҳақда клубнинг Х ижтимоий тармоғидаги расмий саҳифаси хабар бермоқда.

Осимхен мерсисайдликлар ҳимоячиси Ибраима Конате билан тўқнашувда шикастланган эди ва энди у бир неча ойни ўтказиб юборади.

Плей-офф босқичининг Истанбулдаги илк учрашуви «Галатасарой»нинг 1:0 ҳисобидаги ғалабаси билан якунланган эди. Ливерпулдаги жавоб ўйинида эса инглиз клуби 4:0 ҳисобида зафар қучди.

Аввалроқ, ўйиндан сўнг Конате ижтимоий тармоқларда турк клуби мухлислари томонидан ирқчилик руҳидаги ҳужумларга учрагани хабар қилинганди.