Мюнхеннинг «Бавария» клуби ҳужумчиси Харри Кейн Европанинг кучли бешлик лигаларида «гол + пас» тизими бўйича энг яхши футболчилар рейтингида пешқадамлик қилмоқда. Тегишли маълумотларни Squawka статистик портали эълон қилди.

Кейн мавсум давомида жами 36 та самарали ҳаракатни амалга оширди. Иккинчи поғонадан «Манчестер Сити» аъзоси Эрлинг Холанд (29) жой олган бўлса, кучли учликни Кейннинг жамоадоши Майкл Олисе (28) якунлаб берди.

Шунингдек, кучли ўнликка қуйидаги футболчилар кирди: Килиан Мбаппе («Реал Мадрид» — 27), Луис Диас («Бавария» — 26), Бруну Фернандеш («МЮ» — 24), Дениз Ундав («Штутгарт» — 23), Ламин Ямал («Барселона» — 23), Федерико Димарко («Интер» — 20) ва Игор Тьяго («Брентфорд» — 20).