Мадриднинг «Реал» клуби ва Германия терма жамоаси ҳимоячиси Антонио Рюдигер ўзининг ҳимоядаги агрессив ўйин услуби танқид қилинишига жавоб қайтарди.

Футболчи унинг ўйини клуб ва терма жамоа учун муаммо экани ҳақидаги фикрларга муносабат билдирди.

«Мен, албатта, жамоаларим учун ҳеч қандай хавф туғдирмайман. Майдонда қайси дақиқада эканимизни ва ўйинда нима қўйилганини жуда яхши тушунаман. Аммо бу муҳокама менга яна бир бор шундан далолат бердики, баъзи ҳолларда вазифаларимни тўлиқ даражада бажара олмаганман», — деди Рюдигер.

Эслатиб ўтамиз, Ла Лиганинг 26-туридан ўрин олган «Хетафе»га қарши учрашувда (0:1) Рюдигер рақиб футболчиси Диего Риконинг юзига тиззаси билан зарба берганди. Рико оғриқ ҳис қилиб, майдонда ётиб қолди ва ўйин вақтинча тўхтатилди. Бош ҳакам Алехандро Муньис Руис тиббий ходимларни майдонга чақирди, аммо қоидабузарлик қайд этилмади.