«Ньюкасл» сафида тўп тепаётган 26 ёшли ҳимоячи Свен Ботман юз суягидаги жароҳат туфайли жарроҳлик амалиётини ўтказди. Бу ҳақда клуб матбуот хизмати маълум қилди.

Нидерландиялик футболчининг сафга қайтиш муддати ҳозирча очиқланмаган. У Премьер-лиганинг 31-тури доирасида «Сандерленд»га қарши кечган баҳсда (1:2) жароҳат олган эди.

Жорий мавсумда Ботман «қарғалар» либосида 31 та учрашувда майдонга тушиб, ўз ҳисобига 2 та гол ва битта голли узатмани ёздириб қўйди.

Бугунги ҳолатга кўра, Эдди Хау шогирдлари 42 очко билан Премьер-лига турнир жадвалининг 12-поғонасини эгаллаб турибди.