Ҳозирда ижара асосида «Астон Вилла»да тўп сураётган «Манчестер Юнайтед» вингери Жедон Санчо Дортмунднинг «Боруссия» клубига қайтиши мумкин. Бу ҳақда нуфузли инсайдер Фабрицио Романо хабар бермоқда.

Манбанинг берган маълумотларига кўра, «асаларилар» ҳақиқатан ҳам Санчони қайтаришга қизиқиш билдирмоқда, бу ҳақда аввалроқ оммавий ахборот воситаларида ҳам хабар берилган эди. Келаётган ёзда футболчи эркин агентга айланади ва барча таклифларни кўриб чиқади. «Боруссия» 25 ёшли вингер билан шартнома имзолашга тайёр, бироқ бунинг учун молиявий шартлар бўйича келишувга эришилиши лозим.

Жорий мавсумда Санчо барча мусобақаларни ҳисобга олганда 31 та ўйинда иштирок этди, битта гол урди ва учта голли узатмани ўз ҳисобига ёздириб қўйди.

Transfermarkt портали маълумотларига кўра, Санчонинг бозор қиймати 20 миллион еврони ташкил этади.