Аргентина миллий терма жамоаси Лионель Скалонини бош мураббий лавозимида сақлаб қолмоқчи.

Topskills Sports UK хабарига кўра, Аргентина футбол ассоциацияси (AFA) Скалони билан шартномани узайтириш бўйича музокараларни аллақачон бошлаб юборган. Ассоциация президенти Клаудио Тапиа келишувга эришилганини 2026 йилги жаҳон чемпионати стартига қадар эълон қилмоқчи.

Эслатиб ўтамиз, ЖЧ-2026 шу йилнинг 11 июнидан 19 июлига қадар Шимолий Американинг учта давлатида: АҚШ, Канада ва Мексикада бўлиб ўтади. Аргентина амалдаги жаҳон чемпиони ҳисобланади. Лионель Скалони бошчилигидаги жамоа 2022 йили Қатарда ўтган мундиалда ғолибликни қўлга киритган эди.