Argentina milliy terma jamoasi Lionel Skalonini bosh murabbiy lavozimida saqlab qolmoqchi.
Topskills Sports UK xabariga ko‘ra, Argentina futbol assosiasiyasi (AFA) Skaloni bilan shartnomani uzaytirish bo‘yicha muzokaralarni allaqachon boshlab yuborgan. Assosiasiya prezidenti Klaudio Tapia kelishuvga erishilganini 2026 yilgi jahon chempionati startiga qadar e’lon qilmoqchi.
Eslatib o‘tamiz, JCH-2026 shu yilning 11 iyunidan 19 iyuliga qadar Shimoliy Amerikaning uchta davlatida: AQSH, Kanada va Meksikada bo‘lib o‘tadi. Argentina amaldagi jahon chempioni hisoblanadi. Lionel Skaloni boshchiligidagi jamoa 2022 yili Qatarda o‘tgan mundialda g‘oliblikni qo‘lga kiritgan edi.













