Sky Germany журналисти Флориан Плеттенбергнинг хабар беришича, «Байер Леверкузен» келаси ёзда бош мураббийлик лавозимига «Брайтон» устози Фабиан Хюрцелер номзодини кўриб чиқмоқда.
Сўнгги ҳафталардаги бир қатор қониқарсиз натижалардан сўнг, Леверкузен клубининг амалдаги бош мураббийи Каспер Юлманднинг келажаги сўроқ остида қолмоқда. Ҳозирда «фармацевтлар» Бундеслига турнир жадвалида 6-ўринни эгаллаб турибди ва Чемпионлар лигаси йўлланмасини берувчи ўриндан 4 очко ортда қолмоқда.
Плеттенбергнинг таъкидлашича, «Байер» шу ёзда раҳбариятда ўзгариш қилиши мумкин ва бунда Хюрцелер жамоа тизгинини ўз қўлига олиш учун асосий номзод ҳисобланади.
33 ёшли германиялик мутахассиснинг «Брайтон» билан амалдаги шартномаси 2027 йилгача мўлжалланган.
