2019 йилда «Бавария» сафига келиб қўшилганидан бери канадалик ҳимоячи Альфонсо Дэвис жароҳатларга ҳаддан ташқари кўп дуч келди ва шу давр мобайнида юздан ортиқ ўйинни ўтказиб юборди. Мюнхен клуби энди уни жамоада олиб қолиш ниятида эмас.
Кристиан Фалькнинг хабар беришича, ёзги трансфер ойнасида «рекордмайстер» 25 ёшли канадалик футболчи бўйича таклифларни кўриб чиқишга тайёр. Бироқ шу билан бирга, клуб рози бўлиши учун таклиф етарлича ишонарли ва салмоқли бўлиши талаб этилади.
Ҳозирда Дэвис учун асосий даъвогар сифатида «Манчестер Юнайтед» кўрилмоқда. «Қизил иблислар» Люк Шоунинг тез-тез жароҳат олиши фонида чап қанот ҳимояси позициясини кучайтириш ниятида.
