«Реал» ҳимоячиси Антонио Рюдигер илгари «Челси» шарафини ҳимоя қилган Англия Премьер-лигасига қайтиши мумкин.

Tuttosport нашрининг хабарига кўра, 33 ёшли германиялик футболчининг хизматларига «Ливерпуль» қизиқиш билдирмоқда. «Қизиллар» футболчининг Мадрид клуби билан шартномаси якунланиб, эркин агентга айланиши мумкинлигидан фойдаланиб, уни шу ёзда текинга ўз сафига қўшиб олмоқчи.

Антонио Рюдигер 2022 йилда «Челси»дан «Реал»га эркин агент сифатида ўтган эди. Жорий мавсумда ҳимоячи «қаймоқранглилар» сафида барча турнирларда 18 та ўйинда майдонга тушиб, битта гол муаллифига айланди. Рюдигернинг трансфер қиймати 9 миллион еврога баҳоланмоқда.