«Ньюкасл» ярим ҳимоячиси Бруно Гимараэснинг «Манчестер Юнайтед»га ўтиш эҳтимоли жуда паст.
Яқинда матбуотда «қизил иблислар»нинг бразилиялик футболчи бўйича музокараларида илгарилаш кузатилаётгани ҳақида миш-мишлар пайдо бўлган эди. Журналистлар Крис Уилер ва Нэйтан Солтнинг маълумотларига кўра, бу хабарлар ҳақиқатга тўғри келмайди: «МЮ» келаётган ёзда ушбу хавбек учун курашиши даргумон. «Қарғалар» эса ҳатто Чемпионлар Лигасига йўлланма ололмаган тақдирда ҳам, ўз етакчисини жамоада олиб қолишга қатъий қарор қилишган.
Transfermarkt баҳосига кўра, Бруно Гимараэснинг қиймати 75 миллион еврони ташкил этади. 28 ёшли футболчининг «Ньюкасл» билан амалдаги шартномаси 2028 йилнинг ўрталаригача мўлжалланган.
