«Nyukasl» yarim himoyachisi Bruno Gimaraesning «Manchester Yunayted»ga o‘tish ehtimoli juda past.

Yaqinda matbuotda «qizil iblislar»ning braziliyalik futbolchi bo‘yicha muzokaralarida ilgarilash kuzatilayotgani haqida mish-mishlar paydo bo‘lgan edi. Jurnalistlar Kris Uiler va Neytan Soltning ma’lumotlariga ko‘ra, bu xabarlar haqiqatga to‘g‘ri kelmaydi: «MYU» kelayotgan yozda ushbu xavbek uchun kurashishi dargumon. «Qarg‘alar» esa hatto Chempionlar Ligasiga yo‘llanma ololmagan taqdirda ham, o‘z yetakchisini jamoada olib qolishga qat’iy qaror qilishgan.

Transfermarkt bahosiga ko‘ra, Bruno Gimaraesning qiymati 75 million yevroni tashkil etadi. 28 yoshli futbolchining «Nyukasl» bilan amaldagi shartnomasi 2028 yilning o‘rtalarigacha mo‘ljallangan.