Италиянинг «Комо» клуби ярим ҳимоячиси Николас Пас жорий мавсум якунланганидан кейин Мадриднинг «Реал» клубига қайтишдан воз кечишига умид қилмоқда. Бу ҳақда La Gazzetta dello Sport нашри хабар бермоқда.

Манба берган маълумотларга кўра, клуб аргентиналик футболчини ўз таркибида сақлаб қолишни жуда хоҳлайди. «Комо» раҳбариятининг фикрича, футболчига доимий ўйин амалиёти кафолатланиши асосий омил бўлиши мумкин, чунки «Реал»да Пасни бундай ваъда билан кутиб олишлари амримаҳол. Шунингдек, «Комо»нинг Чемпионлар лигасига йўлланма олиши мумкинлиги ҳам муҳим рол ўйнаши таъкидланмоқда.

Жорий мавсумда 21 ёшли Пас барча мусобақаларда жами 33 та ўйинда иштирок этди ва ўз ҳисобига 11 та гол ҳамда 6 та голли узатмани ёздириб қўйди.

Ҳозирги вақтда Transfermarkt маълумотларига кўра, Паснинг бозор қиймати 65 миллион еврони ташкил этади.