Мадриднинг «Атлетико» клуби вингери Жулиано Симеоне ўзини Аргентина терма жамоасининг асосий таркиб футболчиси деб ҳисобламаслигини тан олди.

«Мен ўзимни асосий таркиб ўйинчиси деб ҳисобламайман. Фақат бармоқ билан санарли футболчиларгина бунга ҳақиқатан даъвогарлик қилишлари мумкин. Европада ҳам, Аргентинада ҳам ҳар куни терма жамоадан чақирув олиш учун тинимсиз меҳнат қилаётган футболчилар жуда кўп. Яхши ўйин кўрсатишда давом этиш керак, чунки даража озгина пасайса ҳам, терма жамоадан четда қолиш мумкин», — дея Симеоненинг сўзларини келтирмоқда The Touchline.

Ушбу мавсумда 23 ёшли Симеоне барча мусобақаларда жами 43 та ўйинда иштирок этиб, 6 та гол урди ва 8 та голли узатмани амалга оширди.

Аргентина терма жамоаси сафида вингер 9 та ўйин ўтказиб, битта гол муаллифига айланган.