«Барселона» раҳбарияти жамоа ҳужумчиси Ферран Торресга ҳозирча янги меҳнат шартномасини таклиф қилмади. Бу ҳақда Mundo Deportivo нашри хабар бермоқда.
Манбанинг маълумотларига кўра, «Барселона» Торреснинг маошини етарли даражада деб ҳисоблайди, шу сабабли уни ошириш режалаштирилмаган. Ҳатто клубда молиявий муаммолар бўлмаган тақдирда ҳам, улар испаниялик футболчининг маошини кўтаришмаган бўларди.
Жорий мавсумда Торрес барча мусобақаларда 40 та ўйинда майдонга тушиб, рақиблар дарвозасини 16 марта ишғол қилди ва фақат бир бор жамоадошларига голли узатма етказиб берди.
26 ёшли испаниялик футболчининг «Барселона» билан амалдаги шартномаси 2027 йилнинг ёзига қадар мўлжалланган.
