«Манчестер Сити» ҳужумчиси Омар Мармуш фаолиятини Ла Лигада давом эттириши мумкин. У «Барселона»нинг трансфер рўйхатидан жой олган.

Каталонияликлар «шаҳарликлар» ҳужумчиси учун 50 миллион евро тўлашга тайёр. Мармуш «Барселона» учун «Атлетико» билан Хулиан Альварес борасида келишув амалга ошмай қолган тақдирда захира варианти ҳисобланади.

Аввалроқ, «Атлетико» Альваресни 150 миллион еврога сотишга тайёрлиги ҳақида хабар берилган эди. «Барселона» учун бундай келишув иқтисодий жиҳатдан имконсиз. Каталонияликлар музокаралар орқали эҳтимолий трансфер суммасини пасайтиришга ҳаракат қилмоқдалар.