Шу ёзда Жаҳон чемпионатига АҚШ, Канада ва Мексика мезбонлик қилиши керак. Нидерландиялик журналист Теун ван де Кёйнен мундиални бойкот қилиш чақириғи билан петиция бошлади.
Петицияда айтилишича, Нидерландия терма жамоаси АҚШ президенти Дональд Трампнинг сиёсати, жумладан, америкаликларнинг бошқа мамлакатлар ишларига «тажовузкор аралашуви» туфайли Жаҳон чемпионатига бормаслиги керак.
RTL Nieuws хабарига кўра, петицияни аллақачон 171 мингдан ортиқ киши имзолаган. Эндиликда ушбу ҳужжат парламент томонидан кўриб чиқилиши керак.
Жаҳон чемпионатининг гуруҳ босқичида Нидерландия терма жамоаси Япония ва Тунисга қарши баҳс олиб боради. «Тўқ сариқлар»нинг яна бир рақиби кейинроқ маълум бўлади.
