«Барселона» ёзги трансфер ойнасида янги ҳужумчи сотиб олишни ўз олдига мақсад қилган.
Mundo Deportivo нашрининг хабарига кўра, «кўк-анорранглилар»нинг асосий трансфер нишони «Атлетико» ҳужумчиси Хулиан Альварес бўлиб турибди. Агар каталонияликлар аргентиналик футболчининг трансферини амалга ошира олишмаса, «Барселона» учун «Б режаси» — «Галатасарой» аъзоси Виктор Осимхен бўлади. Клуб мутасаддиларида фақат нигериялик футболчининг характери борасида шубҳалар мавжуд.
Виктор Осимхен 2025 йилда «Наполи»дан «Галатасарой»га 75 миллион евро эвазига ўтган эди. Унинг Туркия клуби билан шартномаси 2029 йилнинг 30 июнига қадар мўлжалланган. Жорий мавсумда ҳужумчи 29 та ўйинда майдонга тушиб, 19 та гол урди ва 7 та голли узатмани амалга оширди.
