«Barselona» yozgi transfer oynasida yangi hujumchi sotib olishni o‘z oldiga maqsad qilgan.
Mundo Deportivo nashrining xabariga ko‘ra, «ko‘k-anorranglilar»ning asosiy transfer nishoni «Atletiko» hujumchisi Xulian Alvares bo‘lib turibdi. Agar kataloniyaliklar argentinalik futbolchining transferini amalga oshira olishmasa, «Barselona» uchun «B rejasi» — «Galatasaroy» a’zosi Viktor Osimxen bo‘ladi. Klub mutasaddilarida faqat nigeriyalik futbolchining xarakteri borasida shubhalar mavjud.
Viktor Osimxen 2025 yilda «Napoli»dan «Galatasaroy»ga 75 million yevro evaziga o‘tgan edi. Uning Turkiya klubi bilan shartnomasi 2029 yilning 30 iyuniga qadar mo‘ljallangan. Joriy mavsumda hujumchi 29 ta o‘yinda maydonga tushib, 19 ta gol urdi va 7 ta golli uzatmani amalga oshirdi.
