Машҳур инсайдер Фабрицио Романо «Тоттенхэм» марказий ҳимоячисининг Испания топ-клубларидан бирига ўтиши мумкинлиги ҳақидаги миш-мишларга изоҳ берди.

Манбанинг хабарига кўра, жамоа сардорида «шпорлар» раҳбарияти билан «жентльменлик» келишуви бўлган: агар Мадриднинг «Реал», «Атлетико» ёки «Барселона» клубларидан муносиб таклиф тушса, Лондон клуби уни кўриб чиқиши шарт эди. Бироқ, Романонинг аниқлик киритишича, бу оғзаки келишув «Тоттенхэм»ни аллақачон тарк этган Даниэль Леви даврида амал қилган. Эндиликда бу келишув ўз кучини йўқотган — клуб аввал тахмин қилинганидек 60 миллион евродан юқори бўлган таклифларни қабул қилишга мажбур эмас.

Transfermarkt портали Ромеронинг нархини 50 миллион еврога баҳоламоқда, унинг амалдаги шартномаси эса 2029 йилгача мўлжалланган.