Аёллар ўртасидаги УЕФА Чемпионлар лигасининг чорак финал босқичида «Реал Мадрид» ва «Барселона» жамоалари ўртасидаги дастлабки учрашув бўлиб ўтди. Мадридда ўтган баҳс «кўк-анорранглилар»нинг 6:2 ҳисобидаги ғалабаси билан якунланди. «Барселона» аёллар жамоаси учрашувнинг ҳар иккала таймини бир хил — 3:1 ҳисобида ўз фойдасига ҳал қилди.
Учрашувнинг энг яхши футболчиси деб Алексия Путельяс эътироф этилди. Ушбу футболчи ўз фаолияти давомида икки бор — 2021 ва 2022 йилларда «Олтин тўп» соҳибасига айланган.
«Реал» ва «Барселона» аёллар жамоалари ўртасидаги жавоб ўйини яқин кунларда, яъни 2 апрель куни бўлиб ўтади. Биринчи ўйиндаги бундай йирик натижадан сўнг, кейинги босқич масаласида деярли интрига қолмади дейиш мумкин.
Аёллар ўртасидаги Чемпионлар лигаси. Чорак финал
26.03.2026 | Мадрид
«Альфредо ди Стефано» стадиони
«РЕАЛ МАДРИД» — «БАРСЕЛОНА» — 2:6
Голлар: Эва Пайор 6 (0:1), Эсме Бругтс 13 (0:2), Линда Кайседо 30 (1:2), Ирен Паредес 32 (1:3), Эва Пайор 57 (1:4), Вики Лопес 64 (1:5), Линда Кайседо 66 (2:5), Алексия Путельяс 89 (2:6).
«Реал Мадрид»: Мария Родригес, Мария Мендес, Маэль Лякрар, Зара Дебриц (Ируне Дорадо, 65), Кэролайн Уир (Лотте Кеукелаар, 65), Филиппа Ангельдаль, Сара Хольмгор, Атенеа Дель Кастильо (Ирис Сантьяго, 85), Линда Кайседо, Эва Мария Наварро, Наоми Феллер (Санди Толетти, 65).
«Барселона»: Каталина Колл, Ирен Паредес, Она Батлье, Аича Камара (Сидни Шертенляйб, 74), Эсме Бругтс, Алексия Путельяс, Патри Гуйярро, Клара Серражорди (Каролин Хансен, 60), Вики Лопес (Мария Леон, 74), Клаудия Пина, Эва Пайор (Сальма Паральюэло, 67).
