Лондоннинг «Арсенал» клуби Мадриднинг «Атлетико» ҳужумчиси Хулиан Альваресга даъвогарлар қаторида тилга олинмоқда.
«Канонирлар» бош мураббийи Микель Артета аргентиналик футболчининг ўйинига қойил қолади, бироқ трансфер амалга ошиши эҳтимоли жуда паст. Журналист Мигель Дилейнининг хабар беришича, инглиз гранди раҳбарияти 100 миллион евро тўлаш ниятида эмас — «матрасчилар» ўз ҳужумчиси учун айнан шунча маблағ талаб қилмоқда.
Transfermarkt порталида Хулиан Альвареснинг тахминий қиймати 90 миллион евро этиб белгиланган. 26 ёшли футболчига шунингдек «Барселона» ва «Челси» клублари ҳам қизиқиш билдираётгани айтилмоқда. 2024 йилда «Атлетико» ушбу ўйинчини «Манчестер Сити»дан 75 миллион еврога сотиб олган эди.
