Ярим ҳимоячи Коке «Атлетико»даги фаолиятини давом эттиради.

Mundo Deportivo нашрининг маълумотларига кўра, 34 ёшли футболчининг «матрасчилар» билан амалдаги шартномаси 2026 йилнинг 30 июнига қадар мўлжалланган эди. Бироқ келишувдаги шартномани 2026/27 йилги мавсум учун автоматик тарзда узайтириш банди ишга тушди, шу сабабли хавбек кейинги мавсумда ҳам Мадрид клуби шарафини ҳимоя қилади.

Коке «Атлетико» тарбияланувчиси ҳисобланади ва бутун фаолияти давомида «матрасчилар» сафида тўп суриб келмоқда. Жорий мавсумда ярим ҳимоячи мадридликлар таркибида барча турнирларда 44 та ўйинда майдонга тушиб, ўз ҳисобига иккита гол ва учта голли узатмани ёздириб қўйди. Transfermarkt портали Кокенинг бозор қийматини 6 миллион еврога баҳоламоқда.