Ҳозирда ижара асосида «Астон Вилла»да тўп сураётган «Манчестер Юнайтед» вингери Жейдон Санчо бир нечта клублар эътиборига тушди.
Журналист Экрем Конурнинг таъкидлашича, Германиянинг «РБ Лейпциг» клуби 26 ёшли футболчи билан музокараларга киришган. Шунингдек, Санчо аллақачон «Ювентус»дан таклиф олгани қайд этилмоқда. Бундан ташқари, англиялик футболчини ўз сафига қўшиб олишга Саудия Арабистони клублари ҳам қизиқиш билдирмоқда.
Манбанинг хабарига кўра, аввалроқ хабар берилганидек, Дортмунднинг «Боруссия» клуби ҳам футболчини ўз сафига қайтармоқчи. Бироқ бу масалада молиявий тўсиқлар мавжуд.
Жорий мавсумда Санчо барча мусобақаларда 31 та ўйинда майдонга тушиб, битта гол урди ва учта голли узатмани амалга оширди.













