Эртага 22 август куни бўлиб ўтадиган ўйинга Республикамиз бўйлаб кўпгина муҳлислар қизиқаётгани учрашувнинг тароватини янада оширади. Стадионга ташриф буюрадиган муҳлислар сони ҳам кескин ошиши кутилмоқда. Шундай қизиқарли учрашувни бевосита стадионда кузатиш истаги "Насаф"нинг жонкуяр мухлисларини Марказий стадион томон чорлайди.

Ўзбекистон телерадиокомпаниясининг "Спорт" телеканали мухбири Зафар Жўраевнинг маълум қилишича, ярим финалнинг ушбу баҳси "Спорт ТВ" ҳамда "Қашқадарё ТВ"дан тўғридан-тўғри намойиш этилиши режалаштирилмоқда. Вилоятимизнинг чекка туманларидан Қарши шаҳрига ташриф буюра олмаган ишқибозларимиз "ҚашқадарёТВ" ёки "СпортТВ"дан "Насаф"-"Пахтакор" учрашувини жонли томоша қилишлари мумкин. Эслатиб ўтамиз, учрашув эртага кеч соат 19:30да бошланади.