«Реал» ҳужумчиси Килиан Мбаппе Франция терма жамоасидаги шериги, «Бавария» вингери Майкл Олисе ҳақида ўз фикрлари билан ўртоқлашди.

«Майкл фантастик мавсумни ўтказмоқда, у ўйиндан завқ олмоқда. Ихтиёримизда бундай даражадаги футболчи борлигидан бахтиёрмиз. У бизга ҳужумда кўплаб тактик имкониятларни тақдим этади, шунингдек, индивидуал маҳоратини намойиш этади. У миллий терма жамоада ўзини қулай ҳис қилмоқда ва биз у учун ҳам жамоада, ҳам майдонда энг яхши шароитларни яратишда давом этамиз», — деди Мбаппе матбуот анжуманида.

Жорий мавсумда Олисе Мюнхеннинг «Бавария» клуби сафида 39 та ўйинда майдонга тушиб, 16 та гол урди ва 27 та голли узатмани амалга оширди. Вингер ҳисобида Франция терма жамоаси сафида 13 та ўйин ва 4 та гол мавжуд.