Мадриднинг «Атлетико» клуби ҳимоячиси Маркос Льоренте энг қийин рақиблари ҳақида тўхталиб ўтди. Испаниялик футболчи ўз фикрини билдирар экан, «Реал» ва «Барселона» юлдузлари — Винисиус Жуниор ва Ламин Ямал ўртасида таққослаш ўтказди.
«Винисиусга қарши ўйнаганда, мен вазиятни камми-кўпми назорат қила оламан. Аммо Ламин билан боғлиқ вазиятда қийинчиликларга дуч келганман. Тўғрисини айтсам, ҳеч қайси вингер менга бунчалик муаммо туғдирмаган. Баъзида майдонда Ямални кўриб: «Яхшиямки, унга қарши ўйнашимга тўғри келмаяпти», деб ўйлаб қоламан. У менинг қанотимда ўйнамайди, лекин менимча, агар у менинг бевосита рақибим бўлганида, менга жуда қийин бўларди», — дея 31 ёшли футболчининг сўзларини келтиради Sport нашри.
Яқинда «Атлетико» Мадрид дербисида «Реал»га имкониятни бой берди (2:3). Ла Лиганинг навбатдаги турида Диего Симеоне шогирдлари «Барселона»га қарши баҳс олиб боришади — учрашув 4 апрель куни бўлиб ўтади.
