«Манчестер Сити» хавбеки Родри яқинда Чемпионлар лигаси 1/8 финалида Мадриднинг «Реал» клубидан учралган мағлубият ва мусобақани тарк этгани ҳақидаги саволга жавоб берди.

Жамоалар 1/8 финал босқичида тўқнаш келишган эди. Биринчи ўйинда «қироллик клуби» ўз майдонида 3:0 ҳисобида ғалаба қозонган. Жавоб учрашувида эса «шаҳарликлар» эрта бир киши кам бўлиб қолишди ва ўз уйларида яна имкониятни бой беришди — 1:2.

«Реал» — бу «Реал», жамоанинг Чемпионлар лигаси ўйинларига қайси ҳолатда етиб келишининг аҳамияти йўқ. Бироқ, ўйлашимча, агар қизил карточка бўлмаганида, биз вазиятни ўнглаб, кейинги босқичга чиқишимиз мумкин эди», — дея Родрининг сўзларини келтиради Испания ОАВлари.

Чемпионлар лигасининг 1/4 финалида Мадрид гранди «Бавария» билан тўқнаш келади — баҳслар 7 ва 15 апрель кунларига белгиланган.