Миланнинг «Интер» клуби «Рома» ярим ҳимоячиси Ману Конега бўлган қизиқишини сақлаб қолмоқда. 24 ёшли футболчининг «нерадзурри» лагерига ўтиши ҳақидаги хабарлар анчадан бери тарқалмоқда ва жорий мавсум якунланганидан сўнг иш расмий музокараларгача етиб бориши мумкин. La Gazzetta dello Sport нашрининг маълумотларига кўра, «Интер» ёзда француз футболчисини сотиб олишга ҳаракат қилади, бироқ трансфер нархи аввал тахмин қилинганидек 40 миллион евро эмас, балки тахминан 50 миллион еврони ташкил этиши кутилмоқда.

Transfermarkt портали экспертлари ҳам футболчининг қийматини айнан 50 миллион еврога баҳоламоқдалар. Хавбекнинг «Рома» билан шартномаси 2029 йилнинг ўрталаригача мўлжалланган. Жорий мавсумда Коне римликлар сафида 34 та ўйинда майдонга тушиб, 2 та гол урди ва 2 та голли узатмани амалга оширди.