«Челси» клуби «Реал» ярим ҳимоячиси Эдуардо Камавингани ўз сафига қўшиб олишга қизиқиш билдирмоқда.

Chelsea Chronicle нашрининг маълумотларига кўра, агар Лондон клуби кейинги мавсум учун Чемпионлар лигаси йўлланмасини қўлга кирита олмаса, француз футболчисининг трансфери борасидаги курашда жиддий қийинчиликларга дуч келиши мумкин. Хавбек фақат Чемпионлар лигасида иштирок этадиган жамоага қўшилишга тайёр. Бу футболчининг асосий шарти ҳисобланади.

Эдуардо Камавинга 2021 йилда «Ренн»дан 31 миллион евро эвазига «Реал»га ўтган эди. Унинг «қироллик клуби» билан шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи Мадрид клуби сафида барча турнирларда 34 та ўйинда майдонга тушиб, 2 та гол урди ва 1 та голли узатмани амалга оширди.