«Челси»нинг собиқ бош мураббийи Энцо Мареска чап қанот ҳимоячиси Марк Кукурелья ҳақидаги ҳаяжонли фикрлари билан ўртоқлашди.

Италиялик мутахассис жорий йилнинг 1 январида «кўклар» бошқарувидан бўшатилган эди. У ушбу лавозимда бир ярим йил давомида фаолият юритди.

«Мен Кукурельяни яхши кўраман. Менимча, бундай футболчи ҳар қандай мураббийнинг орзусидир. У ажойиб йигит, камтар, ҳар куни тер тўкиб ишлайди ва доимо ғалаба қозонишни истайди. Муҳими, у ўз тўпурарлик салоҳиятини ҳам намоён эта олди — авваллари бу борада ажралиб турмаган бўлса-да, етти-саккизта гол уришга муваффақ бўлди. Унга энг яхши тилакларимни тилаб қоламан, у бунга лойиқ», — дея Маресканинг сўзларини келтиради Англия ОАВлари.

Эслатиб ўтамиз, Лондон грандининг янги устози этиб Лиам Росиньор тайинланган.