«Арсенал»га «Реал» ярим ҳимоячисини сотиб олиш таклиф қилинди. Гап сўнгги ҳафта ва ойларда турли миш-мишлар марказида бўлиб келаётган Эдуардо Камавинга ҳақида бормоқда. «Тўпчилар»га Камавинга номзоди тақдим этилган, бироқ клуб раҳбарияти бу вариант жамоага мос келишига тўлиқ ишонч ҳосил қилганидан кейингина уни маъқуллаши мумкин.
23 ёшли Камавингага энг катта қизиқишни «Ливерпуль» билдирмоқда. Мерсисайд клуби вакиллари футболчининг атрофидагилар билан икки раунд музокара ўтказиб бўлишди. Аммо бу ҳолат клублар ўртасидаги расмий музокараларга олиб келиши ҳали аниқ эмас, деб ёзади CaughtOffside.
Қайд этилишича, Камавинга фақат кейинги мавсумда Чемпионлар лигасида иштирок этадиган жамоага ўтиши мумкин. Transfermarkt портали футболчини 50 миллион еврога баҳоламоқда.
