«Arsenal»ga «Real» yarim himoyachisini sotib olish taklif qilindi. Gap so‘nggi hafta va oylarda turli mish-mishlar markazida bo‘lib kelayotgan Eduardo Kamavinga haqida bormoqda. «To‘pchilar»ga Kamavinga nomzodi taqdim etilgan, biroq klub rahbariyati bu variant jamoaga mos kelishiga to‘liq ishonch hosil qilganidan keyingina uni ma’qullashi mumkin.

23 yoshli Kamavingaga eng katta qiziqishni «Liverpul» bildirmoqda. Mersisayd klubi vakillari futbolchining atrofidagilar bilan ikki raund muzokara o‘tkazib bo‘lishdi. Ammo bu holat klublar o‘rtasidagi rasmiy muzokaralarga olib kelishi hali aniq emas, deb yozadi CaughtOffside.

Qayd etilishicha, Kamavinga faqat keyingi mavsumda Chempionlar ligasida ishtirok etadigan jamoaga o‘tishi mumkin. Transfermarkt portali futbolchini 50 million yevroga baholamoqda.