«Челси» бош мураббийи Лиам Росеньор лондонликлар раҳбарияти томонидан тўлиқ қўллаб-қувватланаётгани ҳақидаги хабарларга қарамай, жорий мавсум якунида ўз лавозимини тарк этиши мумкин.
Indykaila News берган маълумотларга кўра, «Челси» раҳбариятидаги айрим шахслар кейинги мавсумда жамоани бошқа мураббий бошқариши керак деб ҳисоблашмоқда. Улар Росеньорнинг иш услублари кутилган натижани бермаяпти деган фикрда. Шу сабабли «кўклар» аллақачон янги бош мураббий қидиришни бошлаб юборишган.
Лиам Росеньор шу йилнинг январь ойида лондонликлар билан 2032 йилгача мўлжалланган узоқ муддатли шартнома имзолаган эди. Айни дамда «Челси» Англия Премьер-лигаси турнир жадвалида 31 турдан сўнг 48 очко билан олтинчи ўринни эгаллаб турибди ва келаси мавсумда Чемпионлар лигаси йўлланмасидан қуруқ қолиш хавфи остида қолмоқда.
